HISTORIA SANTA REGINA

                                                                       

                                                                Santa Regina

                                                          (Virgem no Martir)

Regina moris iha rai França. Nia aman naran Clemente, maibe gentiu. Nia inan mate wainhira Regina sei ki'ik. Neduni Clemente fo nia oan feto ba senhora ida naran Cristã mak hakiak. No senhora Cristã ne'e, eduka Regina tuir dutrina sarani nian. Ikus mia nia sarani, maibe lori consequência ba nia maris rasik, tan nia aman hewai tira nia nudar oan. Neduni senhora Cristã mak hola kuidadu nia tomak, hadi haruka nia ba hein bibi. 

Wainhira nia boot jovem barak mak hakarak kaben ho nia, tan nia bonita tebes. To'o Governador rai ne'eba nian mos fuan monu los ba Regina.

Wainhira rona katak Governador rai neba nian hakarak husu Regina ba nia kaben, nia aman ba lalais ba hasoru Regina hosi reconhece fali nia nudar nia oan,ho hanoin katak Regina kaben karık ho Governador ne'e,Clemente nia moris bele sai diak.

Maibe kasian tebes,Regina hewai tomak no ho brani lakohi simu pedido hosi Governador nian.

Nia aman kaer nia,rasta hodi sulan hela iha uma. Maski iha uma laran Regina la hakiduk,nafatin mantem nia fiar iha Jesus no lakohi kaben ho ema ida,maski ho Governador.

Ba nune'e Governador haruka kaer nia,hodi lori ba sulan hela iha cadeia ida ne'e, Anjo sira iha lalehan nian mai hananu hamutuk ho Regina hadi hahi Maromak. Iha kalan ida, nia mehi katak iha dadersan nia sei hetan liberdade.

Dadersan soldado sıra ba hasai Regina iha cadeia, hodi lori nia ba tesi nia ulun fatuk. Wainhira atu tesi nia ulun fatuk manu pombu ida nebe nabilan los semi hosi lalehan mai tur iha Regina nia ulun.

Haree ida ne'e ema barak nebe asiste, converte an kedas hodi simu batismo. Maibe tan descisão hosi Governador nian hatun ona, neduni Regina tenki mate ho tesi ulun fatuk. No soldado sira tesi Regina nia ulun no nia klamar semo ba lalelan nu'udar pombo nebe nabilan los hamutuk ho pombo nebe nabilan mai tur iha nia ulun.

Nia mate iha tinan 303. No nia festa monu iha dia 7 de Setembro.  

                 

             Grupo ( 4 )

 Pelo:  - Emanuel Jessan Michael Yohanes Moniz 

            - Januario do Rosario Soares 

            - Bonifaçio Membranio Espirito Santo 

            - Quelviano Fatima Martins Lopes